Charta qua Teotbertus et uxor ejus Roteldis cambonem in loco qui dicitur Aidrolo monasterio Cluniacensi vendunt.
Domino fratri Eymardo, abbati Cluniensis cęnobii, ego Teotbertus et uxor mea Roteldis vendimus vobis cambonam in pago Matisconense, in agro Marciacense, in loco qui dicitur Aidrolo, que terminatur a mane bosco Sancti Petri et Teobert, a medio die terra Sancti Petri, a sero Grona, a cercio rivo volvente. Infra istas terminationes, vobis vendimus et accipimus precium valentem solidos VIII, et faciatis post hanc diem quicquid facere volueritis in omnibus. Si quis vero, si nos, aut ullus homo, venditionem istam inquietare, temptare vel calunniare presumpserit, auri uncias tres conponat, et hęc donatio stabilis permaneat, cum adstipulatione subnixa. Actum Lordoni castello. S. Teotberti et uxoris suę, qui fecerunt et firmari rogaverunt. S. Engelardi. S. Gonfredi. S. Teotbranni. S. Agnoni. S. Bernardi. S. Gontardi. S. Dominici. S. Rainaldi. Benedictus scripsit, datavit die lunis, mense junio, anno XVII regnante Ludovico rege.